Meir om La Paz

 Vi blir ein del dagar i La Paz. Vi likar oss godt. Vi reiser andre stadar som Uyuni og Rurrenabaque, men ender alltid nokre dagar tilbake her. På ein av våre turar rundt i nabolaget bestemmer Geir seg for at han har lyst på eit slikt fargerikt teppe og vi kjem i snakk med denne gamle sjarmerende dama!
Bolivia og La Paz er kjempebillig. Kvar morgon går vi ut i gata for å ete frukost. Verdens beste mandarinjuice, ferskpressa av vår lokale mann og ein empanada med kylling blir tilsaman seks kroner. Fin pris for ein god frukost! Når det gjeld mat i Bolivia (og seinare finn vi ut i alle landa vi er i her) er at dei et unormale mengder med is.. Og kaker. Dei har enormt mange kakebutikkar og kakestykkene er nok til fem.. Ein av gateisen vi smaker er ein slags kanelsorbet. Heilt fantastisk!

På rådhuset er det fest. Musikken spelar opp og vi får 17.mai følelse av dei marsjerande taktane. Kjempegøy å både sjå og høyre. Plassen heiter Plaza Murillo og er ein kjent stad. Klokketårnet (som du ser på bildet) viser klokka speilvendt.. Vi fant aldri ut kvifor.. Kanskje fordi dei er på andre sida av ekvator?? =)

Om kvelden er det ein særs viktig fotballkamp og folk her er superengasjerte. Vi lurer på korleis dei ikkje kan være diskvalifiserte i alle andre land.. Dette må jo verkeleg være høgdetrening? Dei spring rundt som kaninar og vi er andpusten berre vi går litt for fort opp trappa..